Churz nach em Atrag vo Carol isch scho die erschd wichtig Frag uftouchd – wär sell mii Trouziigin sii? Die Person muess unbedingt chenne organisiere, sie muess mi kenne, sie muess Carol kenne, sie muess kreativ sii, sie muess wisse was i wott und was nid, und und und. Es richtigs Multitalänt mit Multitasking-Fähigkeite also. Gaaaaanz eifach also….oder?

Tatsächlech isch mii Entscheid schnäll troffe gsii. Das isch ä Job fir Corinne. Mii Goldschatz im Büro, wo mi sit es paar Jahr brueflech wie o privat eng begleited.

D’Idee fires feins Znacht im Café de Paris z’Inderlache hed sie sofort underschditzt. Wär seid scho nei bim Gedanke a beschd „Hugo“ wäldwiit!?

No während em Apéro hani dr Corinne z’Gschenkli uberreichd. Mal wieder bini viiiil z’ufgregt gsii, als dass i das no lenger hätt chenne fir mi bhalte.

„Vertroue isch gued, Kontrolle isch besser“ Mier hei entschidä das Sprichwort uf iis zwei uf z’teile. I schenkä dr Corinne z’Vertroue und Corinne mier ihri Kontrolle. Das cha ja nume gued cho!

Danke Cosis fir dii Underschditzig!