Vor knapp 1 Monet ha ig ä Aruef us Stans übercho. Mi Hochziitsazug sigi acho – mier chenne ä Termin fir z absteckä abmache. Dä Termin hei mier fir am Mittwuch, 27. Juli am Abe festgleid.

Wo ig das dr Lisa gseid ha, hed sie miese lachä…Ihre Abstecktermin heig si o am 27. Juli aber gad churz nachem z’Mittag.

Da mi Trouziig bi mim Termin nid da isch (är isch ufnere Hochtuure Wuche gsi), ha ig mier ubrleid miis Mueti z frägä obs mit mier mitchemi.
Z Mueti hed voller freid zuegseid und so si mier zämä uf Stans gfahre.

I gloube das z Mueti scho ganz gwundrig isch gsi, wie ächt ihre Bueb a sirä Hochziit wird usgseh. Abr ig ha da no niid wellä verrate.

Z Stans acho ha ig o scho gad direkt id Kabine chenne mi Azug gah alegä…Z Mueti heig ä vermuetig was es wird…ob sie mit dr Vermuetig rächt hed verrate mier etz nid da cheid ier sä de ar Hochziit fräge ob sie Rächt hed gha.

Dr Azug gfallt mier immer no sehr und o z Mueti findet, dass es e scheenä Azug sigi. Da ig etz alles anne gha ha, hei sie dr Azug chenne absteckä dass dä när o richtig passt.
Zum Glick miessä mer weniger apasse, als mer das zersch deicht hei – Randnotiz: D Verchöifere hed dr Azug nid chliner chennä bstelle und hed erwartet, das mer meh apasse miesä.

Nachem Absteckä mues ig sägä, ig freuä mi sehr ufe dä Azug und mues etz halt luegä das ig de am 16. September geng no dri passe

Zum Abschluss vom Abe ha ig mitem Mueti in Stansstad no es feins z’Nachtässe im Hotel Winkelried gnossä.

Merci Mueti bisch du mitcho und hei mier ä gmietlichä Abe zämä gha