Wie bi ig uberhoupt zu miim Trouziig (Luk) cho?

Mit Luk zämä ha ig scho so mengi Story erläbt. Mier si sit x-Jahre zämä underwägs.

Nachdäm d’Lisa und ig iis verlobt hei isch d’Suechi los gange. Dr Entscheid Luk als mii Trouziig ahzfräge isch rächt schnäll cho. Uf Luk isch immer verlass und o isch är es Organisationstalänt.

Aber etz wot Luk iz Bündnerland ga schaffe! Janu, das wird glich klappe mitem plane und beidi chei änand ga bsueche.

Wie fräge ig etz Luk ob är mii Trouziig macht? HA! Ig ha ä Idee – da ig bim Ziglä vo Brienz uf Landquart hilfe mache ig das denn im Bündnerland.

Aber es Chärtli mitem Text „Es wurd mi freuä we du mii Trouziig bisch“ isch de doch chli z’wenig gsii.
Deswägä ha ig no es chliins Gschenk fir Luk organisiert – eis womer am Hochziitstag de geng wieder wärde bruche! 

Mit däm Chärtli und em Geschenkli bini also im November ga hälfe ziglä. Nachdäm mier de nach vilne Stunde sii fertig gsii hani Luk z’Gschenk uberreicht.

Und etz, ubernimmt er dä Job?

„Ja klar mache ig das!“, hed Luk zur Antwort gä.

Merci Luk scho etz, dass du fir d’Lisa und mi da bisch und iis hilfsch e unvergässliche Tag z’organisierä!