... wei mer gad eis id Eventriim? klar sehr gäre Mier miesse d Ruumgressi priefä so das mier iisi Sitzplanig chei mache
Am Mändig 11. Juli hei mier iis bi Trouffers mit dr Brigitte, dr Céline und iisem DJ troffe.
Mier hei mit ihne zämä dr Ablouf vor Hochziit ir Erläbniswäld wellä bespräche. D Planig hei mier gstartet abem Ziitpunkt wo mier uf Hofstettä chemä.
– Wenn wird iisi Hochziitsgsellschaft iträffe?
– Wie sell z Apéro genau usgseh (was gids z Triche?)
– Wo wird das Apéro stattfinde?
– Ab wenn chennä d Geschd im Hotälzimmer ichecke?
– Was firne Sitzplanig hei mier adeicht und was isch meglich?
– Bruchts ä Liinwand und Beamer fir ebis z präsentiere? Uff kei Ahnig…da sii mier sälber gspannd…
– Ab wenn wird dr DJ d Hochziit musikalisch begleitä und was isch fir ihn da netig?
Das sii nume es paar Frage wo mier denn vor Ort klärd hei. Aber z vil wei mier euch no nid verrate…schliesslich selled ier ja ono chli gspannd si was da uf euch zue chunnd 😉
