Ehevorbereitigsgspräch... weli art trouiig weid iher? Eis Mal die feschdlichi Variante bitte
Nachdäm mier am Mändig bi Trouffers es Gspräch hei gha (hesch dr letscht Biitrag scho gläsä?), hei mier am Mittwuch, 13. Juli, scho di nächste Termine fir iisi Hochziit gha.
Am Morgä hei mier z Inderlache ufem Standesamt iises Ehevorbereitigsgspräch gha. Bi däm Gspräch hei mier mehreri Frage miesse beantworte und hei doch ono es paar Frage vo iis chennä kläre.
So zum Biispiel: „Stimmd iises Hochziitsdatum midem 16. September?“ , „Was firne Art Trouiig hätte mier gäre?“ , „Wärde Ringe ustuuschd?“, „Wie viel Geschd chenne bir Trouiig derbie sii?“, etc.
Uf all die Frage hei mier brav Uskunft gä. Nach all däm hei mier no es Formular miesse usfillä, das mier ganz friiwillig wei hiratä. O das hei mier natirli chenne usfillä und hei aschliessend d Bestätigung fir iisä Hochziitstermin übercho.
Mier derfä ganz offiziell am 16. September ufem Standesamt Inderlache hiratä 🙂
