Äs hed ä Wasserrohrbruch gä Und etz?
Friitig, dr 15. Ouguschd 2014. I ha vor churzem z 2. Lehrjahr uf dr Gmeind Hofstette gstarted.
Uf dr Gmeind geid d’Info i, dass ä Wasserrohrbruch uf em Dorfplatz gä hed. D’Wasserversorgig fir die umliegende Hiiser muess underbroche wärde. Dass e kei Ziit verlore geid uberchume i der Uftrag d’Bewohner sofort ga z’informiere. Betroffe isch z’Huus vor Familie Stähli. „Ähä, die kenneni flüchtig vo de Clubrenne vom Skiclub Hofstette“.
I loufe also uber d’Strass und liitä bir Familie Lilo und Gust Stähli. Lang tued niemer uf. I probieres noeis. I wott scho fasch ga, da tued ä jungä Typ (oben ohne) d’Tirä uf. Naja, frisch gseed anders us. Allemna no nid lang uf – und das amne Friitgmorge am 9i…
Dr Bewohner – Carol – wird ubere Wasserunderbruch informierd, er bedankt sech und tschüss. Trotz däne verschlafene Ouge gseed er scho nid so schlächt us…
Wie o immer – dr Uftrag isch erlediged, wiiter geiz bim Schaffe!
Soo iher Liebe – wär kennd d’Fortsetzig? Im nächschde Biitrag chenndrs läse 😉